ថ្ងៃអាទិត្យ ទី០៩ ខែសីហា ឆ្នាំ២០២០
គេហទំព័រ ហង្សពេជ្រ | ទំនាក់ទំនងចាងហ្វាងការផ្សាយ៖ 016 222 102
ពលរដ្ឋ៣គ្រួសារ រងទុក្ខទៀតហើយ ព្រោះក្រុមប្រឹក្សាស្រុកកោះញែក ទៅចាប់យកដីរបស់ពួកគាត់ លក់ទៅឲ្យឈ្មួញ មានលុយយ៉ាងរំភើយ
Fri,24 April 2020 (Time 05:26 PM)
ដោយ ៖ ចាន់ ថន (ចំនួនអ្នកអាន: 136នាក់)

ហួសនឹងថ្លែង នៅពេលដែលក្រុមប្រឹក្សាស្រុកកោះញែក ដែលជាអ្នកចេះដឹងផ្លូវច្បាប់មួយរូប បានធ្វើខ្លួន ជាអ្នកចង់ មាន ចង់បានជ្រុល រហូតទៅរំលោភចាប់យកដីរបស់ពលរដ្ឋស្លូតត្រង់៣គ្រួសារមកធ្វើជារបស់ខ្លួន មិនត្រឹមប៉ុណ្ណោះ
ថែមយកដីរបស់ពលរដ្ឋនោះ យកទៅលក់ឲ្យអ្នកមានលុយ ដើម្បីធ្វើមានធ្វើបានយ៉ាងរំភើយ ។

ប្រជាពលរដ្ឋម្ចាស់ដី បានរៀបរាប់ប្រាប់ឲ្យដឹងថា ពួកគាត់ចំនួន៣គ្រួសារ មានដីមួយកន្លែង ទំហំប្រមាណជាង៣ ហិកតា គឺជាដីដែលម្តាយរបស់ពួកគាត់ចែកឲ្យសម្រាប់ប្រកបការងារដាំដុះចិញ្ចឹមជីវិត ។ ម្តាយរបស់ពួកគាត់ឈ្មោះ
ឆាន លី និងឪពុកឈ្មោះ ស៊ិន ម៉ៃ បានដូរក្របី និងអង្ករពីបងប្អូនជនជាតិ គឺនៅក្នុងឆ្នាំ២០០២ រួចហើយនោះ បាន
ប្រគល់ដីនោះមកឲ្យពួកគាត់ដែលជាកូនមាន៣គ្រួសារ ដោយមានឈ្មោះ ម៉ៃ សាម៉ន និងប្រពន្ធឈ្មោះ ជិន សុភិន
និងឈ្មោះ ម៉ៃ សុខឡំ និងប្រពន្ធឈ្មោះ លីដា ព្រមទាំងឈ្មោះ ស៊ិន នីន ព្រមទាំងប្រពន្ធឈ្មោះ ម៉ៃ នៀន ។

ទីតាំងដីនេះ គឺស្ថិតនៅក្នុង ភូមិមេមុំ ហៅភូមិទំប៉ុន ឃុំរ៉យ៉ ស្រុកកោះញែក ខេត្តមណ្ឌលគិរី ។ ជាក់ស្តែងដីនេះ គឺ ពួកគាត់បានកាប់គាស់ធ្វើដីបានស្អាតហើយ ក្រោយមកនៅក្នុងឆ្នាំ២០១៨ ពួកគាត់បានឃើញស្នាមគ្រឿងចក្រឈូស ឆាយពួកគាត់ បន្ថែមពួកគាត់ក៏តាមស្រាវជ្រាវរក ប៉ុន្តែបានត្រឹមតែលេចឮថា អ្នកលួចឈូសដីរបស់ពួកគាត់នេះ គេរស់នៅឯ ទីរួមខេត្តមណ្ឌលគិរី ឯណោះ ទើបតែនៅថ្ងៃទី១៥ ខែមីនា ឆ្នាំ២០២០ នេះ ពួកគាត់បានដឹងថា អ្នក ដែលរំលោភឈូសឆាយដីរបស់គាត់នោះ មានឈ្មោះ ប៉ាច សេន ជាមន្ត្រីក្រុមប្រឹក្សាស្រុកកោះញែក រស់នៅ
ក្នុងភូមិរង្សី ឃុំស្រែសង្គម ស្រុកកោះញែក ជាអ្នកចាប់យក ។

ក្រោយពេលដែលពួកគាត់បានដឹង ពួកគាត់បានទាមទាសុំឲ្យមេឃុំរ៉យ៉ ជួយដោះស្រាយ ប៉ុន្តែមេឃុំរ៉យ៉ អត់ចាប់ អារម្មណ៌នៅលើពួកគាត់ បើទោះពួកគាត់ត្រូវបានរូបលោកមេភូមិចាស់ បានអះអាងថា ដីមួយនេះ ជារបស់ពួកគាត់ តាំងពីយូរណាស់មកហើយយ៉ាងណាក្តី ក៏មេឃុំមិនខ្វល់ដែរ ហើយថែមទាំងលើកឡើងថា ឯកសារពួកគាត់ចាស់ ហើយ គេអត់យកជាផ្លូវការទេ គឺគេយកតែឯកសារថ្មី ទើបជាផ្លូវការ ។

ការបញ្ជាក់របស់លោកមេឃុំ គឺកាន់តែធ្វើឲ្យពួកគាត់ឈឺចាប់កាន់តែខ្លាំង ដោយលើកឡើងថា កន្លងមកពួកគាត់ មានតែដីមួយកន្លែងនេះទេ ប្រសិនបើអស់ដីមួយនេះ គឺមិនដឹងថា ពួកគាត់មានអ្វីជាទីពឹងនៅក្នុងជីវិតនោះ ។

ពួកគាត់ទាំងអស់គ្នា សូមសំណូមពរទៅដល់លោក ស្វាយ សំអ៊ាង អភិបាល នៃគណៈអភិបាលស្រុក កោះញែក
សូមមេត្តាជួយមានចំណាត់ការជួយពួកគាត់ផង ជាក់ស្តែងលោក ប៉ាច សេន ជាសមាជិកក្រុមប្រឹក្សាស្រុក ហើយ
ក៏ជាអ្នកចេះដឹងខាងច្បាប់ បែរជាលួចចាប់ដីរបស់ពួកគាត់ មិនត្រឹមប៉ុណ្ណោះ លេចឮថា យកដីរបស់ពួកគាត់លក់ បន្តទៅឲ្យអ្នកមានលុយទៀត តើក្នុងជីវិតនេះ ឲ្យពួកគាត់មានអ្វីជាទីពឹង ៕

ព័ត៌មានគួរចាប់អារម្មណ៍

លំនៅដ្ឋានមួយកន្លែង ពាក់ព័ន្ធករណី លួចម៉ូតូនគរបាលខណ្ឌមានជ័យ ចុះឆែកឆេររកឃើញម៉ូតូ៨គ្រឿង និង ស្លាកលេខ ១៨ បន្ទះ ()

ព័ត៌មានគួរចាប់អារម្មណ៍

ជាប់គុកបានដូចបំណងហើយ កូនតិរច្ឆានទាញដុំឥដ្ឋ វាយម្តាយនិងឪពុកឲ្យរងរបួសយ៉ាងធ្ងន់ ព្រោះតែខឹងម្តាយ ស្តីបន្ទោសឲ្យ រឿងធ្វើឲ្យកង់ដួល តិចតួចសោះ (ចាន់ ថន)

ព័ត៌មានគួរចាប់អារម្មណ៍

ទូរគតជន១៤គ្រួសារ ក្នុងសង្កាត់ព្រែកកំពឺស ខណ្ឌដង្កោ ត្រូវទទួលបានអំណោយឧបត្ថម្ភប្រចាំខែ ពីរូបលោកឧត្តម សេនីយ៌ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ (ចាន់ ថន)

ព័ត៌មានគួរចាប់អារម្មណ៍

វាំងននខ្មៅមួយ នៃរឿងរបស់លោក សាយ សុភា កូនលោកអភិបាលស្រុកត្បែងមានជ័យ ជីកកកាយដីភ្នំរបស់ រដ្ឋ ឥឡូវត្រូវបានលោកអភិបាលខេត្ត បើកហើយ ខណៈពេលនេះ (ចាន់ ថន)

ព័ត៌មានគួរចាប់អារម្មណ៍

ពិតជាខ្លាំងមែនលោក នុត សោភ័ណ្ឌ អភិបាលស្រុកត្បែងមានជ័យ បើកដៃឲ្យកូនរបស់ខ្លួន កាយដីភ្នំស្នើររលាយ អស់ភ្នំទៅហើយ ថែមទាំងព្រមានប្តឹងទៅលើអ្នកកាសែតណាដែលហ៊ានចុះផ្សាយរឿងពិតរបស់លោកនោះទៀត ផង (ចាន់ ថន)

វីដែអូ

ចំនួនអ្នកទស្សនា

ថ្ងៃនេះ :
102 នាក់
ម្សិលមិញ :
65 នាក់
សប្តាហ៍នេះ :
1086 នាក់
ខែនេះ :
3751 នាក់
3 ខែនេះ :
11627 នាក់
សរុប :
298758 នាក់