ថ្ងៃអាទិត្យ ទី០៩ ខែសីហា ឆ្នាំ២០២០
គេហទំព័រ ហង្សពេជ្រ | ទំនាក់ទំនងចាងហ្វាងការផ្សាយ៖ 016 222 102
ប្រជាពលរដ្ឋកើតរឿងភ័យផងអរផង ខណៈដែលសំណុំរឿងអនុវត្តន៌ដីការក្សាការពាររបស់គាត់ ត្រូវបានលោក ស្រី ព្រះរាជអាជ្ញាខេត្តកំពង់ស្ពឺ មិនទាន់បានចុះអនុវត្តន៌ ឲ្យបានលទ្ធផលផ្លែផ្កា
Sun,26 April 2020 (Time 04:41 PM)
ដោយ ៖ ចាន់ ថន (ចំនួនអ្នកអាន: 127នាក់)

ចឹងហើយបានតែថា ពាក្យចាស់បូរាណលោកនិយាយអីអត់ខុសសោះនោះទេ ចិត្តល្អក្រមិនយូរ ថ្ងៃណាមួយអាច នឹងមានរឿងស្តាយក្រោយមិនខាន យ៉ាងណាមិញបងស្រី ហ៊ឺង ថាន ដែលជាមនុស្សម្នាក់ដែលចិត្តល្អអនុញ្ញាតឲ្យ គេធ្វើទូរលក់មាសមុខផ្ទះរបស់ខ្លួន នៅពេលដែលត្រូវការយកទីតាំងមុខផ្ទះមកប្រើការ ហើយសុំឲ្យគេចេញ ទីបំ ផុតអ្នកដាក់ទូរលក់មាសមុខផ្ទះបងស្រីមិនព្រមរើចេញ ក្លាយជារឿងប្តឹងផ្តល់គ្នាអស់រយៈពេលរាប់ឆ្នាំ ហើយនៅ ទីបំផុតនោះ រូបបងស្រីទទួលបានដីការក្សាការពាររួចហើយ រូបបងស្រីនៅតែមិនទាន់ទទួលបានយុត្តិធម៌ តាម រយៈការចុះអនុវត្តន៌របស់លោកស្រីព្រះរាជអាជ្ញាអមសាលាដំបូងខេត្តកំពង់ស្ពឺ នៅឡើយ ដដែល ។

បងស្រី ហ៊ឺង ថាន បានមានប្រសាសន៌ថា នៅឆ្នាំ១៩៩៣ រូបបងស្រីនិងម្តាយបានសម្រេចឲ្យឈ្មោះ សន ឆឺយ និង ប្រពន្ធឈ្មោះ សុន ស្រីពៅ ធ្វើតូបលក់មាសនៅមុខផ្ទះបងស្រី ពោល គឺកន្លែងនេះជាកន្លែងប្រជុំជនពលរដ្ឋហៅ ថា ផ្សារវត្តភ្នំ។ ក្រោយមកនៅឆ្នាំ២០១៨ បងស្រីបានធ្វើផ្ទះរួចហើយ បងស្រីបានតម្រូវឈ្មោះ សន ឆឺយ និងប្រ ពន្ធរុះរើតូប ចាកចេញពីដីមុខផ្ទះរបស់បង ហើយនៅពេលនោះ ឈ្មោះទាំងពីរនាក់ប្តីប្រពន្ធខាងលើ ក៏បានរុះរើ តូបនោះចេញពីមុខផ្ទះមែន ប៉ុន្តែពួកគេសុំដាក់ទូរលក់មាស ជាបណ្តោះអាសន្នសិន ថ្ងៃណាដែលតម្រូវឲ្យរើ ចេញ ពួកគេទាំងពីរនាក់ និងធ្វើការរើទូរលក់មាសនោះចេញ តាមសេចក្តីត្រូវការ ។

បងស្រីបានបន្តថា នៅក្នុងខែវិច្ឆិកា ឆ្នាំ២០១៨ រូបបងស្រីតម្រូវរូបគាត់លើកទូរលក់មាសនោះចេញ ស្រាប់តែ ឈ្មោះទាំងពីរមិនព្រមចេញ ហើយថែមទាំងប្តឹងរូបបងស្រីទៅមេឃុំភ្នំតូច ដោយចោទប្រកាន់ថា ម្តាយរបស់បង ស្រីបានលក់ដីនោះ ឲ្យពួកគេក្នុងតម្លៃ៣០ម៉ឺនរៀល ទៅវិញ ។

អស់រយៈពេលជាងមួយឆ្នាំ ដែលបងស្រីស្នើសុំឲ្យអាជ្ញាធរមូលដ្ឋានជួយ ប៉ុន្តែទោះជាយ៉ាងណា រូបបងស្រីនៅមិន
ទទួលបានលទ្ធផលអ្វីសោះ ដោយអាជ្ញាធរស្រុកលោកមិនអាចដាក់ទោសអ្វីដល់បុគ្គលពីរនាក់ប្តីប្រពន្ធខាងលើ បាន នៅទីបំផុត រូបបងស្រីសម្រេចដាក់ពាក្យប្តឹងចូលទៅសាលាដំបូងខេត្តកំពង់ស្ពឺ ក្នុងសំណុំរឿងដីការក្សាការ ពារ ហើយនៅទីបំផុត នៅថ្ងៃទី២០ ខែមករា ឆ្នាំ២០២០ សាលាដំបូងក៏បានជូនដំណឹងមកដល់មេឃុំភ្នំតូច សុំឲ្យ ត្រៀមកម្លាំង ដើម្បីអនុវត្តន៌ដីការក្សាការពារ ប៉ុន្តែផ្ទុយទៅវិញមន្ត្រីរដ្ឋអំណាចឃុំ ក្រោមកណ្តាប់ដៃរបស់លោក ជា សុផល ដែលជាមេឃុំ មិនបានចូលរួមសហការជាមួយនោះឡើយ ។

ក្រោយពេលដែលរដ្ឋអំណាចឃុំភ្នំតូច មិនសហការជាមួយស្ថាប័នតុលាការ ជាក់ស្តែងនៅថ្ងៃទី ០២ ខែមេសា ឆ្នាំ ២០២០ អនុប្រធានសាលាដំបូងខេត្តកំពង់ស្ពឺ បានសម្រេចចេញដីកាបញ្ជូនលេខ ៤៨ /២០ មកលោកស្រី ព្រះ រាជអាជ្ញាអមសាលាដំបូងខេត្តកំពង់ស្ពឺ ដើម្បីឲ្យអនុវត្តន៌ដីការក្សាការពារ ប៉ុន្តែទោះជាយ៉ាងណា ក្រោយពេល ដែលរូបលោកស្រីព្រះរាជអាជ្ញាអរមសាលាដំបូងខេត្ត ទទួលបានដីកាបញ្ជូននេះហើយ គឺរូបបងស្រី នៅមិន ទាន់ឃើញមានសកម្មភាពអ្វីសោះឡើយ គឺហាក់បីដូចជាស្ងាត់ឲ្យសូន្យដដែល ចំណែកឈ្មោះ សន ឆឺយ និងប្រ ពន្ធឈ្មោះ សុន ស្រីពៅ នៅតែអាចបន្តលក់ដូរនៅលើដីមុខផ្ទះបងស្រីបានដដែល ។

បងស្រី ហ៊ឺង ថាន សូមសំណូមពរដល់លោកស្រីព្រះរាជអាជ្ញាអមសាលាដំបូងខេត្តកំពង់ស្ពឺ សូមមេត្តាជួយមាន ចំណាត់ការជួយពន្លឿនការអនុវត្តន៌ដីការក្សាការពារមួយនេះ ឲ្យបានឆាប់ផង ពីព្រោះថា រូបបង និងក្រុមគ្រួសារ រងចាំគឺយូរសែនយូរពេកណាស់ហើយ ៕

ព័ត៌មានគួរចាប់អារម្មណ៍

លំនៅដ្ឋានមួយកន្លែង ពាក់ព័ន្ធករណី លួចម៉ូតូនគរបាលខណ្ឌមានជ័យ ចុះឆែកឆេររកឃើញម៉ូតូ៨គ្រឿង និង ស្លាកលេខ ១៨ បន្ទះ ()

ព័ត៌មានគួរចាប់អារម្មណ៍

ជាប់គុកបានដូចបំណងហើយ កូនតិរច្ឆានទាញដុំឥដ្ឋ វាយម្តាយនិងឪពុកឲ្យរងរបួសយ៉ាងធ្ងន់ ព្រោះតែខឹងម្តាយ ស្តីបន្ទោសឲ្យ រឿងធ្វើឲ្យកង់ដួល តិចតួចសោះ (ចាន់ ថន)

ព័ត៌មានគួរចាប់អារម្មណ៍

ទូរគតជន១៤គ្រួសារ ក្នុងសង្កាត់ព្រែកកំពឺស ខណ្ឌដង្កោ ត្រូវទទួលបានអំណោយឧបត្ថម្ភប្រចាំខែ ពីរូបលោកឧត្តម សេនីយ៌ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ (ចាន់ ថន)

ព័ត៌មានគួរចាប់អារម្មណ៍

វាំងននខ្មៅមួយ នៃរឿងរបស់លោក សាយ សុភា កូនលោកអភិបាលស្រុកត្បែងមានជ័យ ជីកកកាយដីភ្នំរបស់ រដ្ឋ ឥឡូវត្រូវបានលោកអភិបាលខេត្ត បើកហើយ ខណៈពេលនេះ (ចាន់ ថន)

ព័ត៌មានគួរចាប់អារម្មណ៍

ពិតជាខ្លាំងមែនលោក នុត សោភ័ណ្ឌ អភិបាលស្រុកត្បែងមានជ័យ បើកដៃឲ្យកូនរបស់ខ្លួន កាយដីភ្នំស្នើររលាយ អស់ភ្នំទៅហើយ ថែមទាំងព្រមានប្តឹងទៅលើអ្នកកាសែតណាដែលហ៊ានចុះផ្សាយរឿងពិតរបស់លោកនោះទៀត ផង (ចាន់ ថន)

វីដែអូ

ចំនួនអ្នកទស្សនា

ថ្ងៃនេះ :
90 នាក់
ម្សិលមិញ :
65 នាក់
សប្តាហ៍នេះ :
1074 នាក់
ខែនេះ :
3739 នាក់
3 ខែនេះ :
11615 នាក់
សរុប :
298746 នាក់