ថ្ងៃអាទិត្យ ទី២៤ ខែមករា ឆ្នាំ២០២១
គេហទំព័រ ហង្សពេជ្រ | ទំនាក់ទំនងចាងហ្វាងការផ្សាយ៖ 016 222 102
សម្តេចតេជោ ហ៊ុន សែន ផ្ញើសារអបអរសាទរលោក ស៊ូហ្គា យ៉ូស៉ីដេ ដែលត្រូវបានតែងតាំងជានាយករដ្ឋមន្ត្រីជប៉ុន
Sat,19 September 2020 (Time 09:01 AM)
ដោយ ៖ សហការី (ចំនួនអ្នកអាន: 81នាក់)

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្ញើសារអបអរសាទរលោក ស៊ូហ្គា យ៉ូស៉ីដេ ដែលត្រូវបានតែងតាំងជានាយករដ្ឋមន្ត្រីជប៉ុន។

ក្នុងលិខិតនេះសម្តេចតេជោ ហ៊ុន សែន មានប្រសាសន៍បញ្ជាក់យ៉ាងដូច្នេះថា «តាងនាមរាជ រដ្ឋាភិបាល និងប្រជាជនកម្ពុជាខ្ញុំមានសេចក្ដីសោមនស្សរីករាយសូមសម្ដែង ការអបអរសាទរ យ៉ាងកក់ក្តៅបំផុត ក្នុងឱកាសដែលឯកឧត្តម ត្រូវបានតែងតាំងជានាយករដ្ឋមន្ត្រីថ្មី របស់ជប៉ុន បន្ទាប់ពីទទួលបានជ័យជម្នះយ៉ាងភ្លូកទឹកភ្លូកដី ក្នុងការបោះឆ្នោតជាប្រធានដឹកនាំ គណបក្សប្រជាធិបតេយ្យសេរី (LDP) កាលពីថ្ងៃទី១៤ កញ្ញា ២០២០»។

សម្តេចមានប្រសាសន៍បន្តថា ជ័យជម្នះយ៉ាងត្រចះត្រចង់នេះ បានឆ្លុះបញ្ចាំងពីការគាំទ្រយ៉ាងមុតមាំរបស់សមាជិកគណបក្ស LDP ក៏ដូចជាទំនុកចិត្តរបស់ប្រជាជនជប៉ុន ចំពោះទស្សនៈវិស័យគោលនយោបាយ និងភាពជាអ្នក ដឹកនាំរបស់លោក ស៊ូហ្គា យ៉ូស៉ីដេ ក្នុងការជម្នះឱ្យបាននូវវិបត្តិ កូពី៥–១៩ និងការស្តារសេដ្ឋកិច្ចឡើងវិញ ក៏ដូចជា ការធានាឱ្យបាននូវអនាគតរបស់ប្រទេសជប៉ុនប្រកបដោយសន្តិភាព និងវិបុលភាព។

សម្តេចតេជោនាយករដ្ឋមន្ត្រី មានប្រសាសន៍បន្ថែមថា សម្តេចត្រៀមខ្លួនធ្វើការយ៉ាងជិតស្និទ្ធជាមួយលោក ស៊ូហ្គា យ៉ូស៉ីដេ ក្នុងគោលបំណងបន្តពង្រឹង និងលើក កម្ពស់ទំនាក់ទំនងមិត្តភាព និងកិច្ចសហប្រតិបត្តិជិតស្និទ្ធរវាងកម្ពុជា និងជប៉ុនបន្ថែមទៀត ដើម្បីផលប្រយោជន៍ទៅវិញទៅមកសម្រាប់ប្រជាជននៃប្រទេសយើងទាំងពីរ ព្រមទាំងដើម្បីសន្តិភាព ស្ថិរភាព និងវិបុលភាពក្នុងតំបន់ និងពិភពលោកផងដែរ៕

ព័ត៌មានគួរចាប់អារម្មណ៍

កូនតិរច្ឆានយកអង្រែបុកគ្រឿងវាយម្តាយរហូតដល់ស្លាប់ (សហការី)

ព័ត៌មានគួរចាប់អារម្មណ៍

សម្តេចតេជោ ហ៊ុន សែន បញ្ជាក់ថា សុខភាពរបស់សម្តេចល្អប្រសើរជាធម្មតា គ្មានអ្វីប្លែកនោះទេ (សហការី)

ព័ត៌មានគួរចាប់អារម្មណ៍

ប្រធានក្រុមការងាររាជរដ្ឋាភិបាលបន្តចុះដោះស្រាយជូនប្រជាពលរដ្ឋនៅឃុំសណ្តាន់ ស្រុកសំបូរ (សហការី)

ព័ត៌មានគួរចាប់អារម្មណ៍

លោកជំទាវ ម៉ែន សំអន ប្រាប់ប្រជាពលរដ្ឋដែលប្រកបមុខរបរដឹកទំនិញឆ្លងកាត់ព្រំដែនត្រូវប្រុងប្រយ័ត្នខ្ពស់ចំពោះជំងឺកូវីដ១៩ (សហការី)

ព័ត៌មានគួរចាប់អារម្មណ៍

សម្តេចតេជោ​ហ៊ុន សែនអញ្ជើញជាអធិ​បតីក្នុងពិ​ធីចុះហត្ថលេខាលើកិច្ចព្រមព្រៀងនិងអនុស្សារណៈ​សំខាន់ចំនួន៣​រវាងរដ្ឋាភិបា​លកម្ពុជានិង​ហុងគ្រី (សហការី)

វីដែអូ

ចំនួនអ្នកទស្សនា

ថ្ងៃនេះ :
33 នាក់
ម្សិលមិញ :
112 នាក់
សប្តាហ៍នេះ :
538 នាក់
ខែនេះ :
4691 នាក់
3 ខែនេះ :
13760 នាក់
សរុប :
325176 នាក់