ដោយសារតែចង់ឈ្នះចង់ចាញ់គ្នា រៀងៗខ្លួននៅលើដងផ្លូវ រថយន្ត២គ្រឿង បានបើកបរជ្រែ និងជែងគ្នាវ៉េពេញផ្លូវធ្វើឲ្យបង ប្អូនប្រជាពលរដ្ឋដែលធ្វើដំណើរនៅលើកំណាត់ផ្លូវជាតិលេខ៤ ភ័យព្រលឹងចុងសក់ ដោយសារតែឃើញសកម្មភារថយន្ត២ គ្រឿងបើកគៀគ្នា ដើម្បីឲ្យគូរបក្សដិបក្សម្ខាងទៀតចុះចាញ់ ។ យ៉ាងណាមិញបញ្ហាចរាចរណ៍នៅតែកើតមានជារៀងរាល់ថ្ងៃ ដោយសារតែអ្នកបើកបរមួយចំនួននៅតែមិនមានការយល់ ដឹង ច្បាស់ពីច្បាប់ចរាចរណ៍ និងចេះតែប្រមាថអាយុជីវិតអ្នកដ៏ទៃ ដែលធ្វើដំណើរនៅលើដងផ្លូវតែមួយ ជាពិសេសភាគច្រើន គឺ អ្នកបើកបរទាំងនោះជា អ្នកបើកបរប្រភេទឡានធំសណ្តោងកន្ទុយផ្សេងៗ ដែលធ្វើដំណើរនៅលើផ្លូវជាតិលេខ៤ ពីភ្នំពេញ ទៅខេត្តព្រះសីហនុ និងពីខេត្តព្រះសីហនុ មកទីក្រុងភ្នំពេញ។ហើយករណីគ្រោះថ្នាក់ចរាចរណ៍នៅលើផ្លូវជាតិដ៏សំខាន់មួយនេះកំពុងតែកើនឡើងជាលំដាប់ ជារៀងរាល់ថ្ងៃ ជាហេតុធ្វើឲ្យ ប្រជាពលរដ្ឋមួយចំនួនធំភ័យខ្លាច ក្នុងការធ្វើដំណើរចេញទៅកំសាន្តនូវតំបន់ឆ្នេរ នៃខេត្តមួយចំនួនម្តងៗ ។ជាក់ស្តែងណាស់កាលពីពេលថ្មីៗនេះ មានការបង្ហោះវីដេអូទិដ្ឋភាពស្តែងៗ ដែលរថយន្តដឹកជ្រូក និងរថយន្តដឹកស៊ីម៉ង់ បាន បើកបរដោយគ្មានការគោរពដល់អាយុជីវិតអ្នកដទៃ ដោយសារតៃកុងឡានទាំងពីរបានបើកវ៉ាជែងគ្នាយកតែឈ្នះរៀងៗខ្លួន។ ដោយសំអាងហេតុផលនេះ មានបងប្អូនប្រជាពលរដ្ឋដែលលេងបណ្តាញសង្គមបានបង្ហាញអារម្មណ៍យ៉ាងដូច្នេះថា៖ គ្រោះ ថ្នាក់សព្វថ្ងៃនេះកើតឡើងដោយសារកត្តាអ្វីខ្លះ បានជាបណ្តាលឲ្យមនុស្សស្លាប់រាល់ថ្ងៃ ? គួរនិយាយបែបណាទៅ ? បើសត្វ ជាអ្នកបើកបរមិនមែនមនុស្សបើកផងហ្នឹង ទោះយ៉ាងណាក៏ពួកគាត់សំណូមពរដល់បងប្អូនអ្នកបើកបរទាំងឡាយពិសេស បងៗអ្នកបើកបរឡានធំៗ មេត្តាបើកដោយគោរពច្បាប់ទាំងអស់គ្នា ដើម្បីជៀសផុតពីគ្រោះថ្នាក់នេះ ៕
ព័ត៌មានគួរចាប់អារម្មណ៍
កូនតិរច្ឆានយកអង្រែបុកគ្រឿងវាយម្តាយរហូតដល់ស្លាប់ (សហការី)
សម្តេចតេជោ ហ៊ុន សែន បញ្ជាក់ថា សុខភាពរបស់សម្តេចល្អប្រសើរជាធម្មតា គ្មានអ្វីប្លែកនោះទេ (សហការី)
ប្រធានក្រុមការងាររាជរដ្ឋាភិបាលបន្តចុះដោះស្រាយជូនប្រជាពលរដ្ឋនៅឃុំសណ្តាន់ ស្រុកសំបូរ (សហការី)
លោកជំទាវ ម៉ែន សំអន ប្រាប់ប្រជាពលរដ្ឋដែលប្រកបមុខរបរដឹកទំនិញឆ្លងកាត់ព្រំដែនត្រូវប្រុងប្រយ័ត្នខ្ពស់ចំពោះជំងឺកូវីដ១៩ (សហការី)
សម្តេចតេជោហ៊ុន សែនអញ្ជើញជាអធិបតីក្នុងពិធីចុះហត្ថលេខាលើកិច្ចព្រមព្រៀងនិងអនុស្សារណៈសំខាន់ចំនួន៣រវាងរដ្ឋាភិបាលកម្ពុជានិងហុងគ្រី (សហការី)
វីដែអូ
ចំនួនអ្នកទស្សនា