អស់រយៈពេល២ថ្ងៃហើយ ចាប់ពីថ្ងៃទី១១ រហូតដល់ថ្ងៃទី ១២ ខែតុលា ឆ្នាំ ២០១៩ នេះ ប្រជាពលរដ្ឋជាច្រើនគ្រួសារ ដែល មានទីតាំងរស់នៅក្នុងឃុំឆ្លូង ស្រុកឆ្លូង ខេត្តក្រចេះ ដែលពួកគាត់បង្ខំរើសម្ភារៈឥវ៉ាន់ចេញពីផ្ទះយ៉ាងប្រញ៉េបប្រញ៉ាប់ស្ទើរតែមិនទាន់ ព្រោះតែគ្រោះធម្មជាតិវាយប្រហារនៅលើផ្ទះសម្បែងរបស់ពួកគាត់ ដែលពួកគាត់ទាំងអស់គ្នា នឹកស្មានមិនដល់ ។នៅក្នុងហេតុការណ៌បាក់ស្រុតផ្ទះសម្បែងពលរដ្ឋនេះ លោក ហេង ស៊ីថា អភិបាល នៃគណៈអភិបាលស្រុកឆ្លូងបានប្រាប់ឲ្យដឹងថា នៅក្នុងរយៈពេលពីថ្ងៃចាប់ពីថ្ងៃទី១១ ម្សិលមិញរហូតមកដល់ថ្ងៃនេះ ផ្ទះសម្បែងរបស់ពលរដ្ឋ គឺត្រូវ បានបាក់ស្រុត អស់១៦ខ្នងផ្ទះ បាក់ស្រុតទាំងស្រុង៣ខ្នងផ្ទះ កំពុងរុះរើ៥ខ្នងផ្ទះបន្ថែមទៀត ដោយឡែកផ្ទះជាច្រើនខ្នងផ្ទះទៀតដែលនៅសល់ ជាច្រើន អាជ្ញាធរកំពុងនឹងបន្តការរុះរើ ។គួររំលឹកថា នេះគឺជាគ្រោះធម្មជាតិមួយ ដែលប្រជាពលរដ្ឋ រួមនឹងអាជ្ញាធររដ្ឋអំណាច មិននឹកស្មានដល់ ដែលជាគ្រោះមហន្ត រាយមួយធ្វើឲ្យពលរដ្ឋដែលកំពុងមានការខ្វះខាតមួយ គឺរងទុក្ខជាន់លើទុក្ខ ហើយមិនដឹងថា ក្រោយពេលដែលបាត់បង់ទីជម្រកផ្ទះសម្បែងនេះ ពួកគាត់នឹងទៅជ្រកកោនរស់នៅទីកន្លែងណានៅឡើយនោះទេ ។ទោះជាយ៉ាងណាក្តី គេហទំព័រខ្លាប៉ុស្តិ៍ នឹងព្យាយាមយកព័ត៌មាន នូវទិន្នន័យពីការខូចខាត ដែលអាជ្ញាធរថ្នាក់ស្រុកទទួលបានផ្សាយជូនសង្គមជ្រាបបន្ត នៅពេលខាងមុខ ៕
ព័ត៌មានគួរចាប់អារម្មណ៍
កូនតិរច្ឆានយកអង្រែបុកគ្រឿងវាយម្តាយរហូតដល់ស្លាប់ (សហការី)
សម្តេចតេជោ ហ៊ុន សែន បញ្ជាក់ថា សុខភាពរបស់សម្តេចល្អប្រសើរជាធម្មតា គ្មានអ្វីប្លែកនោះទេ (សហការី)
ប្រធានក្រុមការងាររាជរដ្ឋាភិបាលបន្តចុះដោះស្រាយជូនប្រជាពលរដ្ឋនៅឃុំសណ្តាន់ ស្រុកសំបូរ (សហការី)
លោកជំទាវ ម៉ែន សំអន ប្រាប់ប្រជាពលរដ្ឋដែលប្រកបមុខរបរដឹកទំនិញឆ្លងកាត់ព្រំដែនត្រូវប្រុងប្រយ័ត្នខ្ពស់ចំពោះជំងឺកូវីដ១៩ (សហការី)
សម្តេចតេជោហ៊ុន សែនអញ្ជើញជាអធិបតីក្នុងពិធីចុះហត្ថលេខាលើកិច្ចព្រមព្រៀងនិងអនុស្សារណៈសំខាន់ចំនួន៣រវាងរដ្ឋាភិបាលកម្ពុជានិងហុងគ្រី (សហការី)
វីដែអូ
ចំនួនអ្នកទស្សនា