រឿងរ៉ាវដ៏រន្ធុតមួយ ដែលមិនគួរនឹងកើតឡើង បានបណ្តាលធ្វើឲ្យបុរសម្នាក់ដែលជាបងថ្លៃស្លាប់យ៉ាងអាណោចអាធម៌ក្នុងថ្លុក ឈាម ដែលបង្កឡើងដោយបុរសជាប្អូនថ្លៃបាញ់សម្លាប់ ដែលបង្ហាញថា កើតចេញពីពីជម្លោះពាក្យសម្តីកាលពីជាង១០ ឆ្នាំ មុន ។ហេតុការណ៌រន្ធុតនេះ បានកើតឡើងកាលពីម៉ោងប្រមាណជាង១០ព្រឹក ថ្ងៃទី២៦ ខែតុលា ឆ្នាំ ២០១៩ នេះ នៅចំណុចផ្ទះលេខ ៧៧H ជិតផ្ទះសំណាក់ក្អមមាស ផ្លូវលំ ចុះពីម្តុំស្តុប Nokia ប្រហែល៦០ម៉ែត្រ ស្ថិតក្នុងសង្កាត់ទឹកល្អក់ទី៣ ខណ្ឌ ទួលគោក រាជធានីភ្នំពេញ ។ជនសង្ស័យបង្កហេតុមានឈ្មោះ មាស ណារ៉ា ភេទប្រុស អាយុ៤០ឆ្នាំ មុខរបរមិនពិតប្រាកដ ស្នាក់នៅផ្ទះកើតហេតុត្រូវជា ប្អូនថ្លៃជនរងគ្រោះ ចំណែកជនរងគ្រោះមានឈ្មោះ ជួប រតនា ភេទប្រុស អាយុ៤៤ឆ្នាំ មុខរបរគ្រូបង្រៀននៅវិទ្យាល័យពង ទឹក ស្នាក់នៅក្រោយវត្តស្លែង សង្កាត់ប្រទះឡាង ភូមិតាំងរនាម ខណ្ឌកំបូល រាជធានីភ្នំពេញ ។តាមប្រភពបានឲ្យដឹងថា ករណីទំនាស់ក្នុងគ្រួសារមួយនេះរវាងបងប្អូនសាច់ថ្លៃ ដែលឈានទៅដល់ដកកាំភ្លើងបាញ់សម្លាប់ បងថ្លៃខ្លួនឯង រួចហើយជនដៃដល់បានរត់ទៅសារភាពកំហុសខ្លួន នៅស្នាក់ការប៉ុស្តិ៍នគរបាលទឹកល្អក់ទី៣ បានបង្កការភ្ញាក់ ផ្អើលយ៉ាងខ្លាំងតែម្តង ។នៅក្រោយទទួលបានព័ត៌មាន កម្លាំងសមត្ថកិច្ចបានរកឃើញ បង់អាវុធចំនួន០១ គ្រាប់ចំនួន០៥គ្រាប់ប្រភេទ k៥៩ សំបក កាទុស្សចំនួន០២ និងគ្រាប់ធ្លាក់នៅលើដីចំនួន០១គ្រាប់ ប៉ុន្តែអាវុធមិនទាន់រកឃើញនៅឡើយទេ ។ ក្រោយពីធ្វើសកម្មភាព ជនសង្ស័យបានជិះម៉ូតូ ចូលទៅសារភាពនៅប៉ុស្តិ៍ទឹកល្អក់៣ តែម្តង ។បច្ចុប្បន្នជនសង្ស័យបានឃាត់ខ្លួននៅអធិការដ្ឋាននគរបាលខណ្ឌទួលគោក ចំណែកសាកសពត្រូវបានសមត្ថកិច្ចចុះទៅធ្វើ កោសល្យវិច័្ចយរួចហើយ ក៏បានប្រគល់ឲ្យទៅក្រុមគ្រួសារ យកទៅធ្វើបុណ្យតាមប្រពៃណី ៕
ព័ត៌មានគួរចាប់អារម្មណ៍
កូនតិរច្ឆានយកអង្រែបុកគ្រឿងវាយម្តាយរហូតដល់ស្លាប់ (សហការី)
សម្តេចតេជោ ហ៊ុន សែន បញ្ជាក់ថា សុខភាពរបស់សម្តេចល្អប្រសើរជាធម្មតា គ្មានអ្វីប្លែកនោះទេ (សហការី)
ប្រធានក្រុមការងាររាជរដ្ឋាភិបាលបន្តចុះដោះស្រាយជូនប្រជាពលរដ្ឋនៅឃុំសណ្តាន់ ស្រុកសំបូរ (សហការី)
លោកជំទាវ ម៉ែន សំអន ប្រាប់ប្រជាពលរដ្ឋដែលប្រកបមុខរបរដឹកទំនិញឆ្លងកាត់ព្រំដែនត្រូវប្រុងប្រយ័ត្នខ្ពស់ចំពោះជំងឺកូវីដ១៩ (សហការី)
សម្តេចតេជោហ៊ុន សែនអញ្ជើញជាអធិបតីក្នុងពិធីចុះហត្ថលេខាលើកិច្ចព្រមព្រៀងនិងអនុស្សារណៈសំខាន់ចំនួន៣រវាងរដ្ឋាភិបាលកម្ពុជានិងហុងគ្រី (សហការី)
វីដែអូ
ចំនួនអ្នកទស្សនា