ថ្មីៗនេះ មានការស្នើសុំពីបងប្អូនប្រជាពលរដ្ឋ ក៏ដូចជាអ្នកដំណើរដែលចេញចូលទិញសម្ភារៈ និងម្ហូបអាហារ នៅក្នុងទីផ្សារទួលសង្កែ ពួកគាត់បានលើកឡើងថា ពួកគាត់មានការលំបាកខ្លាំងណាស់ នៅពេលដែលពួកគាត់ឆ្លងកាត់ម្តងៗ ក៏ដូចជាចូលផ្សារទិញសម្ភារៈ និងម្ហូបអាហារ គឺពួកគាត់ប្រឈមទៅនឹងការប៉ះពាល់សុខភាពជាខ្លាំងណាស់ ដោយសារតែទឹកក្លិនស្អូយពណ៌ខ្មៅ ហូរចេញពីលូរហូរកាត់បាចសាចពាសពេញផ្លូវ ។ប្រជាពលរដ្ឋជាច្រើនបានលើកឡើងថា អស់រយៈពេលជាច្រើនឆ្នាំមកហើយ គេមិនធ្លាប់ឃើញមានថ្នាក់ដឹកនាំរូបណាមួយអើពើនឹងពិនិត្យមើលអំពីផលប៉ះពាល់បរិស្ថាននៅក្នុងទីតាំងផ្សារទួលសង្កែនេះឡើយ ដោយជានិច្ចជាកាល គេត្រឹមបានឃើញអស់ លោកមន្ត្រីអាជ្ញាធរសមត្ថកិច្ចសង្កាត់ និងខណ្ឌ បានចុះមកយកត្រឹមតែភាស៊ីប៉ុណ្ណោះ ប៉ុន្តែអារឿងទឹកស្អុយហូរពាសពេញផ្លូវនេះ គឺអស់លោកមិនធ្លាប់មើលឃើញនោះទេ ។ករណីខាងលើនេះផងដែរ ប្រជាពលរដ្ឋជាច្រើនបានលើកឡើងថា ចំពោះរូបលោក ជា ពិសី ដែលជាអភិបាល នៃគណៈអភិបាលខណ្ឌឬស្សីកែវនេះវិញ ពួកគាត់ជាប្រជាពលរដ្ឋ មិនដឹងថា គួរកោសសើរឬក៏ហួសចិត្តនោះទេ ព្រោះកន្លងមកបើតាមអ្វីដែលពល រដ្ឋមើលឃើញ គឺបើជារឿងចុះអនុវត្តន៌វាយកំទេចផ្ទះសម្បែងពលរដ្ឋ ធ្វើឲ្យពលរដ្ឋស្រក់ទឹកភ្នែក គេតែឃើញអភិបាលខណ្ឌរូបនេះ តែងយកចិត្តទុកដាក់អនុវត្តន៌ជាខ្លាំងណាស់ ដោយឡែកតែករណីផលប៉ះពាល់បរិស្ថាន និងសុខភាព ប្រជាពលរដ្ឋជាក់ស្តែង ដូចជាទឹកស្អូយហូរបាចសាចពេញផ្លូវ ក្នុងទីផ្សារទួលសង្កែនេះវិញ គឺរូបលោក ហាក់មើលអត់ឃើញសោះឡើយ ។ប្រជាពលរដ្ឋទាំងអស់ សូមសំណូមពរដល់លោក ឃូង ស្រេង អភិបាល នៃគណៈអភិបាលរាជធានីភ្នំពេញ សូមមេត្តាជួយមើលចំណុចគ្រោះថ្នាក់មួយនេះផង ពីព្រោះថា វាក៏ជារូបភាពអសកម្មរបស់មន្ត្រី ក្រោមកណ្តាប់របស់លោក តែងមើលរំលងនោះ គឺវា មានរយៈពេលយូរពេលណាស់ហើយ ពោលគឺធ្មេចភ្នែក ធ្វើមិនដឹងទៅ គឺចប់ ៕
ព័ត៌មានគួរចាប់អារម្មណ៍
កូនតិរច្ឆានយកអង្រែបុកគ្រឿងវាយម្តាយរហូតដល់ស្លាប់ (សហការី)
សម្តេចតេជោ ហ៊ុន សែន បញ្ជាក់ថា សុខភាពរបស់សម្តេចល្អប្រសើរជាធម្មតា គ្មានអ្វីប្លែកនោះទេ (សហការី)
ប្រធានក្រុមការងាររាជរដ្ឋាភិបាលបន្តចុះដោះស្រាយជូនប្រជាពលរដ្ឋនៅឃុំសណ្តាន់ ស្រុកសំបូរ (សហការី)
លោកជំទាវ ម៉ែន សំអន ប្រាប់ប្រជាពលរដ្ឋដែលប្រកបមុខរបរដឹកទំនិញឆ្លងកាត់ព្រំដែនត្រូវប្រុងប្រយ័ត្នខ្ពស់ចំពោះជំងឺកូវីដ១៩ (សហការី)
សម្តេចតេជោហ៊ុន សែនអញ្ជើញជាអធិបតីក្នុងពិធីចុះហត្ថលេខាលើកិច្ចព្រមព្រៀងនិងអនុស្សារណៈសំខាន់ចំនួន៣រវាងរដ្ឋាភិបាលកម្ពុជានិងហុងគ្រី (សហការី)
វីដែអូ
ចំនួនអ្នកទស្សនា