សង្គមខ្មែរយើង មិនគួរកើតមានមនុស្សបែបនឹងនោះទេ ព្រោះតែតម្រេកតណ្ហារបស់ខ្លួន បានធ្វើឲ្យបាត់បង់វិចារណៈញាណ ក្លាយជាមនុស្សបាតសង្គមធ្វើអំពើពាលា រំលោភកូនស្រីបង្កើតរបស់ខ្លួនទាំងមិនទាន់ពេញវ័យ ជាច្រើនលើកច្រើនសារ រហូតបែកការសមត្ថកិច្ចចាប់វាយខ្នោះ តែម្តង ។ តាមប្រភពពីសមត្ថកិច្ចព្រះសីហនុ បានប្រាប់ឲ្យដឹងថា នៅថ្ងៃទី២០ ខែមករា ឆ្នាំ២០២០ ម្សិលមិញនេះ សមត្ថកិច្ចបានចាប់ វាយខ្នោះបុរសម្នាក់ជាឪពុក ដែលចាប់រំលោភកូនស្រីបង្កើតទើបតែអាយុ ១២ឆ្នាំ នៅភូមិទួលទទឹង១ ឃុំទួលទទឹង ស្រុកព្រៃ នប់ ខេត្តព្រះសីហនុ ។មន្ត្រីនគរបាលមូលដ្ឋានស្រុកព្រៃនប់ រូបនោះបានឲ្យដឹងថា ជនសង្ស័យឈ្មោះ មុំ ផាត់ណា អាយុ៤១ឆ្នាំ មានទីលំនៅភូមិ ទូលទទឹង១ ឃុំទួលទទឹង ស្រុកព្រៃនប់ ខេត្តព្រះសីហនុ បានចាប់រំលោភកូនស្រីបង្កើតរបស់ខ្លួនឈ្មោះ ផ.ច.រ.ស អាយុ ១២ឆ្នាំ មុខរបរសិស្សសាលា ជាច្រើនលើកច្រើនសារ ហើយនៅទីបំផុតក្នុងពេលដែលបុរសជាឪពុករូបនោះ រំលោភនៅចុង ក្រោយក្នុងផ្ទះ ស្រាប់តែម្តាយជនរងគ្រោះទៅទាន់ ហើយភ្លាមៗក៏មកប្តឹងរាយការណ៍ជូនសមត្ថកិច្ចតែម្តង ដើម្បីឃាត់ខ្លួនបុរសខាងលើតែម្តង ។ក្នុងនោះដែរ កុមារីជនរងគ្រោះបានបញ្ជាក់ផងដែរថា ឪពុករបស់ខ្លួនបានធ្វើសកម្មភាពចាប់រំលោភបានចំនួន ៥ដងរួចមក ហើយ ហើយជនរងគ្រោះធ្លាប់និយាយប្រាប់ជីដូនរបស់ខ្លួនដែរ តែគាត់មិនជឿ ហើយបច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួនជាបណ្តោះអាសន្ន នៅអធិការដ្ឋាននគរបាលស្រុកព្រៃនប់ និងចាត់វិធានការតាមនីតិវិធីច្បាប់ ៕
ព័ត៌មានគួរចាប់អារម្មណ៍
កូនតិរច្ឆានយកអង្រែបុកគ្រឿងវាយម្តាយរហូតដល់ស្លាប់ (សហការី)
សម្តេចតេជោ ហ៊ុន សែន បញ្ជាក់ថា សុខភាពរបស់សម្តេចល្អប្រសើរជាធម្មតា គ្មានអ្វីប្លែកនោះទេ (សហការី)
ប្រធានក្រុមការងាររាជរដ្ឋាភិបាលបន្តចុះដោះស្រាយជូនប្រជាពលរដ្ឋនៅឃុំសណ្តាន់ ស្រុកសំបូរ (សហការី)
លោកជំទាវ ម៉ែន សំអន ប្រាប់ប្រជាពលរដ្ឋដែលប្រកបមុខរបរដឹកទំនិញឆ្លងកាត់ព្រំដែនត្រូវប្រុងប្រយ័ត្នខ្ពស់ចំពោះជំងឺកូវីដ១៩ (សហការី)
សម្តេចតេជោហ៊ុន សែនអញ្ជើញជាអធិបតីក្នុងពិធីចុះហត្ថលេខាលើកិច្ចព្រមព្រៀងនិងអនុស្សារណៈសំខាន់ចំនួន៣រវាងរដ្ឋាភិបាលកម្ពុជានិងហុងគ្រី (សហការី)
វីដែអូ
ចំនួនអ្នកទស្សនា