ខេត្តកំពត ៖ តាមរបាយការណ៍របស់មន្ទីរទេសចរណ៍ខេត្តបានឲ្យដឹងថា រយៈពេល០២ថ្ងៃ (ថ្ងៃទី១៧-១៨ ខែសីហា ឆ្នាំ២០២០) ក្នុងឱកាសសម្រាកសងបុណ្យចូលឆ្នាំ ភ្ញៀវទេសចរបានទៅកំសាន្តតាមគោលដៅទេសចរណ៍នានានៅខេត្តកំពតចំនួន ៧០.៧៨៧នាក់ ក្នុងនោះភ្ញៀវទេសចរជាតិចំនួន ៧០.៣៨៣នាក់ និងភ្ញៀវបរទេសចំនួន ៤០៤នាក់។

បើតាមអាជ្ញាធរបានឲ្យដឹងថា ស្ថានភាពទូទៅមានសភាពល្អប្រសើរ។ ជាមួយនេះដែរដើម្បីបង្ការទប់ស្កាត់ការឆ្លងរីករាលដាលនៃជំងឺ កូវីដ១៩ ក្រុមការងារមន្ទីរទេសចរណ៍ខេត្តកំពតបានសហការជាមួយផ្នែកពាក់ពន្ធ័ ចុះជំរុញការអនុវត្តវិធានសុវត្ថិភាពទេសចរណ៍ និងការណែនាំរបស់ក្រសួងសុខាភិបាល នៅតាមរមណីយដ្ឋាន សហគមន៏ និងសេវាកម្មទេសចរណ៏នានាក្នុងខេត្តយ៉ាងសកម្ម៕