Hangpich

ថ្ងៃសុក្រ ទី០៣ ខែឧសភា ឆ្នាំ២០៥០

គេហទំព័រ ហង្សពេជ្រ | ទំនាក់ទំនងចាងហ្វាងការផ្សាយ៖ 016 222 102

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសិល្បះនិងកីឡា ព័ត៌មានស៊ើបអង្កេត

ព័ត៌មានថ្មីបំផុត

គ្រឿងចក្រសម្រុកចាក់ដីត្រង់ជិតគ្រឹះសសរស្ពានទឹកថ្លាឡើងវិញហើយ **|**

គ្រឿងចក្រសម្រុកចាក់ដីត្រង់ជិតគ្រឹះសសរស្ពានទឹកថ្លាឡើងវិញហើយ

បន្ទាយមានជ័យ៖លោកអ៊ឹង ប៊ុនហួរជាឈ្មួញនិងពលរដ្ឋម្ចាស់គ្រឿងចក្រដែលជាដៃគូកាលពីថ្ងៃទី២១ខែសីហាឆ្នាំ២០២០ ត្រូវអាជ្ញាធរអនុញ្ញាតឱ្យចាក់ដី កៀរកិនបង្ហាប់បិទបាំងទប់ត្រង់គ្រឹះសសរស្ពាននិងគល់ស្ពានសងអោយដូចដើមឡើងវិញ។នៅចំណុចស្ពានទឹកថ្លានាភូមិទឹកថ្លាសង្កាត់ទឹកថ្លាក្រុងសិរីសោភ័ណ។

ចំណែលមន្ត្រីក្រុមការងារចម្រុះខេត្តបន្ទាយមានជ័យនិងក្រុងសិរីសោភ័ណបានឱ្យដឹងកាលពីព្រឹកថ្ងៃទី២២ខែសីហាថា៖ការទទួលខុសត្រូវនិងធ្វើសងបន្ទាន់នេះបន្ទាប់ពីឈ្មួញរូបនេះនិងម្ចាស់គ្រឿងចក្រដែលលោកជួល បានប្រព្រឹត្តល្មើសកាយដី ចាក់ដីលុបដែលគ្មានច្បាប់អនុញ្ញាតក្នុងបាត និងចំណីនៃក្បាលស្ទឹង និងកាយដីជិតដល់គ្រឹះសសរស្ពានដែកជាកេរបារាំងដែលលែងប្រើប្រាស តែទុកជាអនុស្សាវរីយ៍នេះ ។

ប្រភពខាងលើបានបន្តថា៖សកម្មភាពដ៏មមាញឹកនោះបានធ្វើនៅចំណុចទី១បន្ទាប់មកនឹងធ្វើនៅចំណុចទី២ គឺកាយដីចេញពីចំណីស្ទឹង នៃក្បាលស្ទឹងទឹកថ្លាអោយស្អាតឡើងវិញ ។គឺធ្វើឱ្យបានលឿន ត្រឹមត្រូវតាមស្តង់ដារបច្ចេកទេសនិងការណែនាំរបស់ក្រុមការងារចម្រុះខេត្ត ក្រុង ។

សូមរំលឹកថាកាលពីដើមខែសីហាឆ្នាំ២០២០លោកអ៊ឹងប៊ុនហួរបានឱ្យក្រុមគ្រឿងចក្រលោកនិងគ្រឿងចក្រជួលគេកាយយកដីពីក្នុងបាតស្ទឹងទៅចាក់ដីលុបយកដីចំណីស្ទឹងសិរីសោភ័ណត្រង់ចំណុចលំហាចក្បាលស្ទឹងស្ពានទឹកថ្លាក្នុងទំហំប្រមាណជិត៣០.០០០ម៉ែត្រក្រឡា។ភ្ជាប់នឹងដីកម្មសិទ្ធិត្រង់ឡឥដ្ឋរបស់លោកសរុបទំហំប្រមាណ៥០.០០០ម៉ែត្រក្រឡាដើម្បីយកធ្វើជាកម្មសិទ្ធិឯកជន ។

ប៉ុន្តែមកដល់ថ្ងៃទី១៦ខែសីហា ជួនជាចំថ្ងៃឈបើសម្រាកសងបុណ្យចូលឆ្នាំខ្មែរ ដែលមន្ត្រីរាជការ កងកម្លាំងសម្រាក ក៏ស្រាប់តែគ្រឿងចក្ររបស់លោកអ៊ឹង ប៊ុនហួរនិងរបស់អ្នកដែលលោកជួល បានធ្វើសកម្មភាពកាយដីបាតស្ទឹងនិងកាយរហូតប៉ះពាល់គ្រឹះសសរស្ពានដែកហើយយកដីទៅចាក់លើដីចំណីស្ទឹងជាថ្មីម្តងទៀត ៕